نكت مصرية

تم تغيير النشيد الوطني المصرى وأصبح : بلادو بلادو بلادو ..... مصر لحسني وولادو!!!!

**************

سألوا الرئيس عن رأيه في التغيير ، قال : التغيير ده سنة الحياة . قالوا :طب وسياتك مش هتتغير؟ قال : أنا فرض مش سنة

**************

صعيدي طلب يتعين في مجلس الشعب ، قالوله أنت أهبل؟ قال : يعنى لازم الشرط ده

**************

صعيدي مسكوه بيزور فلوس بيقول للضابط : أموت واعرف عرفتوا أزاي ؟ الضابط قاله : يا ابن الجزمة هو في ورقة ب65 جنيه

**************

ثلاثة محششين وقفوا تاكسي السواق عرف أنهم محششين شغل العربية وطفأها وقالهم وصلنا ، الأول دفع الأجرة ، والتاني قاله شكرا ، والثالث ضربة على قفاه وقاله متبقاش تجري بسرعة تأني

***************

واحد بخيل جاله شحات وقاله : أنا جعان ومدقتش طعم العيش بقالي يومين ، قاله البخيل : هو نفس الطعم متغيرش

**************

موجه لغة عربية بيقول للمدرس : ليه العيال بينطقوا الجيم دال ؟ قاله : ماهو ده اللي مدنني

**************

***************








حسنين بيقول لصاحبه : والله ماعرفتش طعم النوم في القطر امبارح

صاحبه : ليه ؟

حسنين : عشان كنت نايم في السرير الفوقاني

صاحبه: وماعرفتش تبدل

حسنين : لأ، ماكانش فيه حد في السرير التحتاني عشان ابدل معاه



واحد متعلم حب يفتح حساب في البنك سافر للقاهرة عشان يملا الاستمارة لانه شاف مكتوب عليها (FILL UP IN CAPITAL)



تحطمت طائرة صغيرة تتسع لراكبين فقط فوق احد المقابر بالصعيد

اخوانا الـ.......... انتشلوا 500 جثة وما زال الحفر مستمراً



ياعوضين بنتك ماتت

قام صاحبنا وبسرعة رمى نفسه من الطابق العاشر

لما وصل الطابق الثامن تذكر انه ما عندوش بنت

لما وصل السادس تذكر انه مش متجوز

لما وصل للرابع تذكر انه مش عوضين ولكنه حسنين

لما وقع عالارض ماحصلش حاجة



بروفيسور اخذ معاه سباك عالكلية

علشان يعرف من فين بتتسرب اسئلة الامتحانات



واحد بالغلط دخل متحف للفن الحديث

توقف عند احد اللوحات وسأل أحد المنظمين جنبه

ايه الشكل المرعب ده، هو ده الفن اللي بتسموه حديث؟

رد المنظم : دى مراية يا أستاذ



واحد فهمان ومراته طلبوا قهوة باحد المقاهي

بيقولها : اشربي بسرعة

قالتله : ليه؟

قالها : لانك جاهله ومابتعرفيش تقري، مكتوب قهوة ساخنة ب 5 جنيه وقهوة باردة ب10 جنيه



واحد واقف قدام المراية ومغمض عينيه

مراته بتساله : بتعمل ايه؟

قالها : بحاول اشوف شكلى ازاى وانا نايم



المدرس طلب من التلاميذ كتابة موضوع عن مباراة شافوها في كرة القدم

كل التلاميذ مشغولين بالكتابة الا عوضين الصغيَر

كتب جملة واحدة وقعد: 'بسبب الامطار تأجلت المباراة'





* واحد بلدينا فتح معمل ثلج

سماه معمل الصعيد للمياه الناشفة

* ليه فترة الراحة في الشغل لل........ عشر دقايق بس ؟

عشان لو اكتر من كده هنضطر نرجع نعلمهم الشغل من أول وجديد


* مرة واحد بلدينا راح عند الصيدلي قال له: عندك لبن أطفال

الصيدلي سأله : اسمه إيه ؟

بلدينا قال له : هريدى

* واحد بلدينا فتح حساب بالبنك اعطوه بطاقة ATM راح غلفها بالبلاستيك

* جماعة بلدينا عملوا مظاهرة........... لبّسوا واحد منهم بوش وحرقوه

* جماعة بلدينا راحوا يلعبو بلياردو طلع واحد منهم عالطاولة و قال يللا يا رجاله انا الجون

* ايه اللى مكتوب داخل أحذية الـ......؟

الأصابع أولا

* واحد بلدينا راح للدكتور ، الدكتور قال له امشي كل يوم 5 كيلو.

اتصل بعد أربعين يوم بالدكتور وقال له انا دلوقتى داخل على اسكندرية اعمل ايه؟ .