النجدة يا شباب ...يا صبايا....النجدة

يا شباب ويا صبايا مشان الله شي حدا يقللي على الطريقة المثلى...مشان اقدر رفع الميكانيك 2
يعني صحيح انو حملتها للدورة التالتة بس والله ماني متوقع اني رفعها بسنة التخرج
وياريت عم احملها بعلامات منيحة الا اول مرة 34 وتاني مرة 38 ووقت بدي قدمها تالت مرة بجوز تجيني 42 ..4....4...4
يعني السنة الخامسة بجيب فيها 60 بس بكون معدل النجاح صار 70 ........
هههههههههههههههه
بس قولولي شو اعمل؟؟؟؟؟؟؟؟؟؟؟

والله يا صديقي لقلك أنو هاي المادي الها شوية خصوصية يعني بدك تراعي موضوع الدكتورين فيا ومتل ما عم يشيع الطلاب أنو قسم الدكتور عامر الزهر صعب وما بينضمن فقسم الدكتور عيدو أسهل وبينضمن يعني إذا بدك تنجح بتركز عقسم الدكتور عيدو وبعدين شو بتجيب من قسم الدكتور عمر منيح وبيعتبر معدل وبإمكانك تجيب علامي تامي بالقسم الأول
بس لحتى تضمن الأول لازم تحل مسائل للأستاذ رغيد وأسئلة دورات وتشوف شي دفتر مرتب إذا ما عندك وإذا عصلجت معك أنا مستعد أشرحلك القسمين وبشوفك بالكليي وولا يهمك

الف شكر الك عالنصائح اللي ماكنت نفذها لانو كنت عم اقرا من دفتر ما كتير منيح

وان شالله بيصير خير انا رح حاول فيها شوي ومتل ما قلتلي اذا عصلجت معي مالي غيرك والله يعطيك العافية ..

[b][b]فيما يخص موضوع الميكانيك الهندسي (2).....

الموضوع لا يحتاج للاستغاثة ولا لطلب النجدة، فالموضوع أبسط مما يبدو عليه....

من الأخطاء الشائعة الاعتماد على القسم الأول من المقرر وإهمال القسم الثاني، أي الاعتماد على قسم مراكز الثقل وعزوم العطالة والسدود وإهمال قسم العمل الافتراضي.

يعتمد القسم الأول على عدد ليس قليل من العلاقات والمعادلات والقوانين الواجب حفظها تماماً بالإضافة إلى معرفة تامة بكيفية تطبيق القوانين وحل المسائل، بالإضافة إلى أن هذا القسم يعتمد بشكل كبير على المهارات الحسابية على الآلة الحاسبة ويتضمن العديد العديد من العمليات الحسابية التي قلما يمكن للطالب إنجازها دون خطأ.

وبالمقابل فإن القسم الثاني من المقرر يعتمد على بعض المبادئ الأساسية ويعتمد على حسابات بسيطة.

في الفصل الدراسي القادم ستكون هناك خطة جديدة تماماً في تدريس القسم العملي من المقرر وأعدكم بمجموعة جديدة من المسائل وهي من حيث المبدأ بعدد أقل في القسم الأول من المقرر إلا أنها تتسم بالشمولية، وستكون إن شاء الله بعدد أكبر في القسم الثاني من المقرر، مع التركيز على مسائل الدورات التي قد يميل أساتذة المقرر إلى تكرارها.

المطلوب من الطالب:
1- حفظ قوانين مراكز الثقل وعزوم العطالة حفظاً تاماً مع فهم كيفية تطبيق هذه القوانين.
2- حل مسألة أو مسألتين عامتين حول مسائل مراكز الثقل وعزوم العطالة.
3- حل مسألتين عامتين حول السدود وبوابات السدود.
4- حل أكبر عدد ممكن من مسائل العمل الافتراضي.
وهذا ما سأحاول القيام به في الفصل القادم على الأبواب.

رغم إنو دراستي صناعات كيمائية بس عنا مادة الميكانيك أو الهدروليك ومعك حق هي عندي أصعب مادة وحملتها 3 دورات ربما تخلتف عن المادة الي عندك بس متأكد انو نفس الصعوبة واللي بحملها 3 مرات لازم المرة الرابعة بيكون حافظة بصم من كتر إعادة المادة إلا إذا ماعم تدرس
واله يوفقك

الف شكر للاستاذ المهندس رغيد عبدالصمد على النصائح ... حجزلي مقعد عندك استاذي بدي عيد العملي وانشالله بجيب علاماات عاليه وبالنسبة لعاشق الهيدرولوجيا انا حملتها اول دورة 56 والثانية 57 باين انو السنة الخامسة بجيب 60 متلك هههههههههههه الله لا يقدر

سؤال لعاشق الهيدرولرجيا؟
إنتي مطلع الهيدرولوجي اشي يعني بس لمعلومات العامة..

شباب .. صبايا .. بالنسبة للدكتور عيدو في مسألة شاملة عليها 26 طلب على عزوم العطالة ومراكز الثقل .. بتكفي وتوفي ..
5صفحات ..لاستاذ رغيد وطابعها طالب اسمو هاني حاكمي.. والله كتيير منيحة وبتغني عن الباقي .. الله يعطيهم العافية

اذافيك تعطيني موضوع المادة
واذا فيني رح ساعدك